لاہور19، جنوری (اے پی پی):وزیر اعلیٰ پنجاب سردار عثمان بزدار نے کہا ہے کہ شہریوں کو حفظان صحت کے مطابق معیاری خوراک مہیا کرنا ریاست کی ذمہ داری ہے ملاوٹ مافیاکسی رعایت کا مستحق نہیں۔
وزیراعلیٰ پنجاب عثمان بزدار سے صوبائی وزیر خوراک سمیع اللہ چوہدری اورڈی جی پنجا ب فوڈ اتھارٹی محمد عثمان نےملاقات کی۔ وزیراعلیٰ نے پنجاب فوڈ اتھارٹی کی کارکردگی کی تعریف کی اور ملاوٹ مافیا اور غیر معیاری اشیاء فروخت کرنے والوں کے خلاف مہم مزید تیز کرنے کی ہدایت کی۔ سردار عثمان بزدار نے کہا کہ اشیائے خوردونوش میں ملاوٹ کرنے والوں کے خلاف پنجاب فوڈ اتھارٹی نے موثر اقدامات کیے ہیں ۔ عوام کو حفظان صحت کے اصولوں کے مطابق اشیائے خوردونوش کی فراہمی یقینی بنائیں گے۔
اس موقع پر وزیر اعلیٰ پنجاب کا کہنا تھا کہ پنجاب فوڈ اتھارٹی ملاوٹ مافیا کے خلاف بلاامتیاز کارروائی جاری رکھےاس ضمن میں کسی قسم کا دباؤ قبول نہ کیا جائے ۔ملاوٹ مافیاکو انسانی صحت سے کھیلنے کی اجازت نہیں دیں گےخالص خوراک ہرشہری کا حق ہے انسانی صحت سے کھیلنے والے ملاوٹ مافیا کی سرکوبی ضروری ہےحکومت پنجاب فوڈ اتھارٹی کو ہر ممکن سپورٹ فراہم کرے گی۔
وزیراعلیٰ کو صوبائی وزیر خوراک اور ڈی جی پنجاب فوڈ اتھارٹی نے ادارے کی کارکردگی کے بارے میں رپورٹ بھی پیش کی۔
اے پی پی/وی این ایس /شاہ زیب
وی این ایس لاہور
