اسلام آباد۔13اپریل (اے پی پی):وزیر اعظم محمد شہباز شریف ایک روزہ دورے پر کراچی پہنچ گئے۔بدھ کو وزیراعظم میڈیا آفس سے جاری بیان کے مطابق وزیرِ اعظم اتحادی جماعتوں کے سربراہان کے ہمراہ مزارِ قائد پر حاضری دیں گے۔وزیرِ اعظم وزیرِ اعلٰی ہاؤس سندھ کا دورہ بھی کریں گے جہاں وہ کراچی میں ترقیاتی منصوبوں پر مشاورتی اجلاس کی صدارت کریں گے۔ وزیر اعظم ایم کیو ایم کے ہیڈ آفس بہادرآباد کا بھی دورہ کریں گے۔
