پاکپتن،13 دسمبر (اے پی پی):ڈسٹرکٹ پولیس آفیسر سید توصیف حیدر کی قیادت میں تھانہ فریدنگر پولیس نے کارروائی کرتے ہوئے راکھ پل سے منشیات فروش علی رضا کو گرفتارکر لیا ہے ، گرفتار منشیات فروش سے 1180 گرام چرس برآمد کی گئی ہے جبکہ ملزم کیخلاف مقدمہ درج کر لیا گیا ہے جبکہ دیگر کارروائیوں میں 2 کس شراب فروش گرفتار کر کے 48 لیٹر شراب برآمد کی گئی ہے ۔فریش پوائنٹ سے گرفتار شراب فروش ارسلان سے 25 لیٹر شراب اور شرقی پھاٹک سے گرفتار شراب فروش اکرم سے 23 لیٹر شراب برآمد کی گئی ہے ۔گرفتار شراب فروشوں کے خلاف مقدمات درج کر لئے گئے ہیں ۔
