اسلام آباد،4فروری(اے پی پی): نیشنل انسٹی ٹیوٹ آف فوک اینڈ ٹریڈیشنل ہیرٹیج (لوک ورثہ) کیجانب سے وزارت امور کشمیر و گلگت بلتستان، آزاد کشمیر کے محکمہ ثقافت اور وفاقی نظامت تعلیم کے تعاون سے یوم یکجہتی کشمیر کے موقع پر 3 روزہ “کشمیر کلچرل فیسٹیول” لوک ورثہ میں جاری ہے ، جس میں کشمیر میوزیکل نائٹ کا اوپن ایئر تھیٹر میں انعقاد کیا گیا۔
فیسٹیول کا مقصد کشمیر کاز کو ثقافتی نقطہ نظر کے ذریعے فروغ دینے کے ساتھ ساتھ مقبوضہ جموں و کشمیر میں اپنے حق خودارادیت کے لیے جدوجہد کرنے والے معصوم کشمیریوں کے ساتھ یکجہتی کا اظہار کرنا ہے۔
