بورے والا، 25 مئی (اے پی پی): یوم تکریم شہداء پر ڈپٹی کمشنر سید آصف حسین شاہ اور ڈسٹرکٹ پولیس آفس عیسی خاں سکھیرا نے اسسٹنٹ کمشنر عبدالباسط صدیقی اور پیٹرن انچیف سول سوسائٹی نیٹ ورک شیخ شہزاد مبین کے ہمراہ میجر طفیل شہید نشان حیدر کے مزار پر حاضری دی اور شہید کے مزار پر پھولوں کی چادریں چڑھائیں۔
شہید کے مزار پر فاتحہ خوانی کی اور شہداء کو خراج تحسین پیش کرتے ہوئے کہا کہ وطنِ عزیز پاکستان کے میں امن و امان کے قیام اور دہشتگردی کے خاتمے کیلئے دی جانے والی شہداء کی لازوال قربانیوں کو کبھی بُھلایا نہیں جا سکتا، اس حوالے سے پولیس ، افواجِ پاکستان، رینجرز، ایف سی اور دیگر قانون نافذ کرنے والے تمام اداروں کے شہداء کا کردار نا قابلِ فراموش ہے۔
اس موقع پر مرکزی انجمن تاجران کے صدر چوہدری محمد صغیر رامے اور چیئرمین چاچا محمد اسلم کی قیادت میں تاجروں نے بھی شہید کے مزار پر پھولوں کی چادر چڑھائی اور فاتحہ خوانی کی۔
