گوادر،12ستمبر(اے پی پی): امریکی سفیر ڈونلڈ بلوم نے کہا ہے کہ بلوچستان میں تعلیم ، صحت ، قابل تجدید تونائی ، تجارت اور معاشی ترقی کے شعبوں میں تعاون کا فروغ ترجیح ہے ، امریکہ پاکستان کے ساتھ دیرینہ تعلقات مزید مستحکم کرنا چاہتا ہے ۔
ان خیالات کا اظہار انہوں نے ساحلی تجارتی مرکز گوادر کے دورے کے موقع پر کیا ۔ انہوں نے گوادر میں مقامی تاجروں اور ماہی گیروں کے وفود سے ملاقات کی ۔ امریکی سفیر کا کہنا تھا میرین ٹریڈ ، سیاحت اور کمیونی کیشن سمیت دیگر شعبوں میں تعاون کے فروغ سے بلوچستان میں روزگار کے بہتر مواقع فراہم کئیے جاسکیں گے ۔
گوادر بندرگاہ کے دورے میں چیئرمین پورٹ پسند خان بلیدی نے پورٹ کی آپریشنل سرگرمیوں اور ترقیاتی منصوبوں پر بریف کیا ۔ نیول بیس پی این ایس اکرم دورے میں علاقائی معاملات اور شراکت داری کے معاملات پر بات ہوئی ۔
