چنیوٹ،14 نومبر(اے پی پی) : ڈائریکٹر جنرل پنجاب فوڈ اتھارٹی راجہ جہانگیر انور کی ہدایت پر پنجاب فوڈ اتھارٹی چنیوٹ کی فوڈ سیفٹی ٹیموں کی ضلع بھر میں موجود شادی ہالز کی معائنہ مہم جاری ہے ۔
دوران معائنہ 4 شادی ہالز کو مزید بہتری کے لیے اصلاحاتی نوٹسز جاری جبکہ 9 شادی ہالز کو حفظان صحت کے اصولوں کی خلاف ورزی اور ایکسپائرڈ مصنوعات اور چائنہ نمک کے استعمال کی وجہ سے 1لاکھ چار ہزار روپے کے بھاری جرمانے عائد کیے گئے۔
مزید برآں دوران معائنہ 15کلومضر صحت اشیائے خورد نوش 500گرام چائنہ نمک اور 2کلو ایکسپائرڈ مصنوعات کو موقع پر تلف کر دیا گیا۔ڈی جی فوڈ اتھارٹی کی ہدایت پر شادی بیاہ کے سیزن میں عوام کو صحت بخش خوراک کی فراہمی کے لیے شادی ھالز کی مسلسل نگرانی کی جائے گی۔
