سکھر، 07اپریل (اے پی پی): نیب کے زیر حراست پاکستان پیپلز پارٹی کے مرکزی رہنما سید خورشید احمد شاہ کی جانب سےمنگل کے روزجسٹس امجد علی سہتو اور جسٹس شمس الدین عباسی پر مشتمل سندھ ہائی کورٹ سکھر کے اسپیشل بینچ نے سید خورشید احمد شاہ کی درخواست ضمانت کی سماعت کی تاہم جسٹس شمس الدین عباسی کی عدم موجودگی کے باعث سماعت 9 اپریل تک ملتوی کردی گئی۔
سماعت کے لیے خورشید شاہ کے صاحبزادے ایم پی اے سید فرخ شاہ اور صوبائی وزیر ٹرانسپورٹ سید اویس قادر شاہ ودیگر عدالت میں پیش ہوئے تاہم سماعت نہ ہونے کی وجہ سے واپس جانا پڑا۔
واضح رہے کہ سید خورشید احمد شاہ اور ان کے 17 ساتھیوں کے خلاف نیب نے ایک ارب 23 کروڑ روپے سے زائد آمدن کے اثاثے بنانے کے الزام میں ریفرنس دائر کررکھا ہے جس میں خورشید شاہ کئی ماہ سے زیر حراست ہیں ۔
اےپی پی/اطہراللہ/نورین
