اوکاڑہ’22مارچ )ا ے پی پی ):پانی کے وسائل کا ضیاع اور آلودگی کم کرنا وقت کی اشد ضرورت ہے،ماحولیاتی تبدیلیوں سے بچاو کےلیے آبی ذخائر کا تحفظ ضروری ہے۔ان خیالات کااظہاراوکاڑہ یونیورسٹی میں ورلڈ واٹر ڈے کے حوالے سے منعقدہ سیمینار میں وائس چانسلرپروفیسر زکریا ذاکر نے کیا۔ سیمینار میں دیگرمقررین نے آبی آلودگی اور آبی ذخائر کو درپیش مختلف چیلنجز کے حوالے سے بحث کی اور قابل عمل سفارشات پیش کیں۔ سیمینار کا انعقاد ڈیپارٹمنٹ آف فیشریز اینڈ ایکواکلچر کی جانب سے کیا گیا۔
وائس چانسلر پروفیسر ڈاکٹر محمد زکریا ذاکر کا کہنا تھا کہ ہم آبی ذخائر کو بری طرح تباہ کر رہے، مہمان اسپیکرز میں ڈاکٹر محمد یونس زاہد اور منظور احمد شامل تھے۔ انہوں نے خطے میں آبی آلودگی کی وجہ سے رونما ہونے والی ماحولیاتی تبدیلیوں کا ذکر کیااور سفارش پیش کی کہ زراعت اور آب و ہوا کے تحفظ کےلئیے ضروری ہے کہ ہم نئے آبی ذخائر تعمیر کریں اور پانی کے وسائل کو آلودگی سے بچائیں۔ سیمینار کے منعقدین ، ڈاکٹر محمد واجد اور ڈاکٹر سجاد سرور، نے طلباء کو اس بات کی ترغیب دی کہ وہ آبی وسائل کے بچاو کے حوالے سے کمیونٹی میں شعور بیدار کرنے کےلیے کام کریں۔
سیمینار کے اختتام پر ایک آگہی واک کا اہتمام کیا گیا اور طلباء نے ورلڈ واٹر ڈے کے حوالے سے پوسٹرز بھی پیش کیےاور مہمانوں میں وائس چانسلر کی جانب سے شیلڈز تقسیم کی گئیں۔
