پشین،23 مارچ ( اے پی پی ): ملک کے دیگر حصوں کی طرح ضلع پشین میں بھی یوم پاکستان کے سلسلے میں مقامی ریسٹ ہاؤس میں پروقار تقریب منعقد ہوئی، ڈپٹی کمشنر پشین قائم لاشاری نے پرچم کشائی کی جبکہ پولیس کے چاق وچوبند دستے نے سلامی پیش کی اور اپنے فن کا مظاہرہ کیا ۔
تقریب سے ڈپٹی کمشنر قائم لاشاری رکن بلوچستان اسمبلی حاجی اصغر خان ترین، ڈسٹرکٹ پولیس آفسر محمدایوب اچکزئی خدمت خلق فاؤنڈیشن انٹرنیشنل کے چیرمین نعمت اللہ ظہرنے خطاب کرتے ہوئے کہاکہ پاکستان بے شمار قربانیوں سے آزاد ہوا ۔23مارچ 1940کو منظور ہونیوالی قرارداد پاکستان مسلمانان برصغیر قومی زندگی اور سیاسی جدوجہد کا وہ سنگ میل ہے۔ وطن عزیز ہمیں ہمارے بزرگوں کی لازوال قربانیوں کے بعد ملا ہے ، ہمیں اپنے ملک کی قدر کرنی چاہیے۔
تقریب میں سرکاری آفسران اور قبائلی عمائدین نے شرکت کی۔
