ملتان، 3مئی(اے پی پی):ڈپٹی کمشنر علی شہزاد کی ہدایت پر گندم کی ذخیرہ اندوزی میں ملوث عناصر کے خلاف بڑی کارروائی، اسسٹنٹ کمشنر شجاع آباد محمد زبیر نے محکمہ خوراک کے ہمراہ چھاپہ مار کر ذخیرہ کی گئی 50 ہزار بوری گندم برآمد کر لی۔
چھاپہ بخاری کاٹن انڈسٹریز پل کھارا،مزمل لطیف انڈسٹریز بنگالہ موڑ اور چاہ منشی والا میں ایک ڈیرے اور فارم ہاوس پر مارا گیا، ذخیرہ کی گئی گندم قبضے میں لے کر قانونی کارروائی شروع کردی گئی ہے،ذخیرہ کی گئی گندم کی مالیت11کروڑ روپے سے زائد بنتی ہے۔
