نوشہرہ ورکاں، 05 مئی (اے پی پی): حکومت پنجاب کی ہدایات کے مطابق پنجاب بھر کی طرح تحصیل نوشہرہ ورکاں میں بھی سستا رمضان بازار عوام کی توقعات کے مطابق چل رہا ہے،اسسٹنٹ کمشنر راشد اقبال اور سی او میونسپل کمیٹی اکرام اللہ سندھو، تحصیلدار حسن اختر، اور سیکرٹری مارکیٹ کمیٹی محمد آصف مستقل نگرانی کر رہے ہیں اور مین بازار میں دوران خریداری ایس او پیز کا خیال رکھنے کے لیے گاہے بگاہے چیکنگ اور جرمانوں کے علاؤہ مقدمات کے اندراج کا بھی سلسلہ جاری ہے۔
رمضان المبارک کے تیسرے عشرہ میں بھی سستا رمضان المبارک میں عوام کو چینی 65 روپیے فی کلو اور دس کلو آٹے کا تھیلا 375 روپے میں روزانہ کی بنیاد پر حسب ڈیمانڈ ترسیل جاری ہے،اور سبزی، پھل، کریانہ، مشروبات، کھجور، اور دیگر اشیاء خوردونوش کی وافر مقدار بھی موجود اور صبح سے لیکر شام چھ بجے تک سستا رمضان بازار رواں رہتا ہے۔
اسسٹنٹ کمشنر نوشہرہ ورکاں راشد اقبال نے سستا رمضان بازار کے وزٹ کے دوران سی او میونسپل کمیٹی اکرام اللہ سندھو کو ہدایت کی ہے کہ عوام کو تمام تر اشیاء کی فراہمی کو ممکن بنایا جائے۔
