خیرپور،6اپریل (اے پی پی):ہلال احمر متحدہ عرب امارات کے وفد نے ڈپٹی کمشنر خیر پورسیف اللہ ابڑو سے بدھ کو یہاں ملاقات کی ،ملاقات کے دوران متحدہ عرب امارات شیخ حمدان بن زید دفتر، حکومت پاکستان اور حکومت سندھ کی جانب سے صحت کے شعبہ جات میں مثبت انداز میں اضافے، مریضوں کو دی جانے والی سہولیات سمیت موذی امراض پر قابو پانے کے سلسلے میں تبادلہ خیال ہوا۔اس موقع پر ڈپٹی کمشنر سیف اللہ ابڑو نے ہلال احمر متحدہ عرب امارات شیخ حمدان بن زید دفتر کی جانب سے پاکستان سمیت سندھ بھر میں کیے جانے والے اقدامات کو سراہا اور اپنی نیک خواہشات کا اظہار کیا۔
وفد میں ہلال احمر متحدہ عرب امارات شیخ حمدان بن زید دفتر کے ڈپٹی ڈائریکٹر حامد بخیت الرمیشی، ڈپٹی ڈائریکٹر محمد عبداللہ الرمیشی، نمائندے راشد العامری، دوحی، منیجر شیخ حمدان بن زید دفتر عبدالصمد بلوچ، عبدالرشید سمیت دیگر اراکین شامل تھے۔
اس سے قبل ہلال احمر متحدہ عرب امارات شیخ حمدان بن زید دفتر کے ڈپٹی ڈائریکٹر حامد بخیت الرمیشی، ڈپٹی ڈائریکٹر محمد عبداللہ الرمیشی، نمائندے راشد العامری، دوحی، منیجر شیخ حمدان بن زید دفتر عبدالصمد بلوچ، عبدالرشید سمیت دیگر اراکین نے خیرپور میڈیکل کالج ٹیچنگ اسپتال کے ڈائلاسسز سینٹر، آئی سی یو اور دیگر شعبوں کا دورہ کیا جہاں ڈاکٹر مراد علی خمیسانی اور ڈاکٹر اعجاز میتلو نے نمائندہ وفد کو بریفنگ دی ۔
اس موقع پر ایڈیشنل ڈپٹی کمشنر اقبال حسین جنڈران، سابق ڈی ایچ او ڈاکٹر محمد حسین ابڑو، ایم ایس ڈاکٹر زاہدہ پروین سومرو، سید صغیر حسین زیدی، ڈپٹی ڈائریکٹر انفارمیشن سید ساجد حسین شاہ، سید اطہر حسین شاہ، ڈاکٹر اللہ ورہایو پنھیار، شجاعت احمد صدیقی، سید سکندر علی شاہ سمیت دیگر افرادبڑی تعداد میں موجود تھے۔
