پاکپتن ،29 اپریل (اے پی پی ): ڈیزل کی مصنوعی قلت پیدا کرنیوالوں کیخلاف انتظامیہ کا ایکشن،متعدد پمپس سیل کرکے مالکان کو گرفتار کرلیا گیا جبکہ 22 ہزار لیٹر ڈیزل برآمد کرکے ذخیرہ اندوزوں کو جرمانے بھی کیے گئے۔
ڈپٹی کمشنر احمر سہیل کیفی نے بتایا کہ ضلع کے سینکڑوں پمپس پر چھاپے مار کر انہیں چیک کیاگیا،22 ہزار لیٹر ذخیرہ کیا گیا ڈیزل برآمد کرلیا گیا ہے۔انہوں نے بتایا کہ انتظامیہ نے متعدد پمپس کو سیل کرکے مالکان کو گرفتار کیا ہے جبکہ ذخیرہ اندوزوں کو ہزاروں روپے کے جرمانے بھی کیے گئے ہیں۔
اسسٹنٹ کمشنر شرجیل شاہد گجر نے ذخیرہ کیا گیا 22 ہزاروں لیٹر ڈیزل خریداروں میں کنٹرول ریٹ پر فروخت کروایا۔
