چترال،23 مئی(اے پی پی ): چترال میں بوندا باندی اور ہواؤں سے موسم خوشگوار ہوگیا ہے۔ ٹھنڈی ہوائیں چلتے ہی بالائی علاقوں میں لوگوں نے ایک بار پھر گرم کپڑے پہننا شروع کر دیئے ہیں ۔ پہاڑوں کی چوٹیوں پر برف باری سے جب تیز ہوائیں ٹکراتی ہیں تو نیچے آکر یہ ہوائیں ماحول کو مزید ٹھنڈا کر دیتی ہیں ۔ چترال کی خوبصورتی اور ٹھنڈے موسم سے لطف اندوز ہونے کیلئے کثیر تعداد میں سیاح بھی چترال کا رح کرتے ہیں۔
