اوکاڑہ؛صحت مند ماں ہی صحت مند اور خوشحال معاشرے کی ضامن ہے،ضیاء اللہ چوہدری اسٹنٹ کمشنر

اوکاڑہ،19 جولائی (اے پی پی)آبادی اور وسائل میں توازن رکھنا وقت کی اہم ترین ضرورت ہے۔صحت مند ماں ہی صحت منداور خوشحال معاشرے کی ضامن ہے ۔ اس سلسلے میں ہمیں اپنا اپنا کلیدی کردار ادا کرنا ہوگا۔ ان خیالات کا اظہارضیاء اللہ چوہدری اسٹنٹ کمشنر رینالہ خورد نے “محکمہ بہبود آبادی تحصیل رینالہ خورد ” کے زیر اہتمام عالمی یوم آبادی کے سلسلے میں ایک آگاہی واک کے شرکاء سے خطاب کرتے ہوئے کیا ۔

واک میٹرنٹی ہوم سے ہوتی ہوئی کلمہ چوک پر اختتام پذیر ہوئی جس میں افسران ، سول سوسائٹی ، صحافیوں ، وکلا ء، این جی اوز ، کے نمائندوں نے شرکت کی ۔ اس موقع پر چوہدری جاوید اقبال تحصیل آفیسر بہبود آبادی رینالہ خورد نے بھی خطاب کیا۔