جدید دور کی ضروریات کے مطابق  انوائرمنٹل ایجوکیشن اور بزنس ایجوکیشن پہ تحقیق کو فروغ دینا چاہیے؛ وائس چانسلر پروفیسر ساجد رشید

57

اوکاڑہ،26جنوری(اےپی پی):وائس چانسلر پروفیسر ڈاکٹر ساجد رشید احمد نے کہا ہے کہ جدید دور کی ضروریات کے مطابق  انوائرمنٹل ایجوکیشن اور بزنس ایجوکیشن پہ تحقیق کو فروغ دینا چاہیے۔

ان خیالات کا اظہار انہوں نے وائس چانسلرکاعہدہ سنبھالنے کے بعد فیکلٹی کے ساتھ پہلے باقاعدہ اجلاس سے خطاب میں کیا۔انہوں نے عملی تحقیق کے فروغ کےلیے وسائل کی فراہمی یقینی بنانے کی ضرورت پہ زور دیا۔ان کا کہنا تھا کہ یونیورسٹی کا بنیادی مقصد ایسے تحقیقی رجحانات کو پیدا کرنا ہے جس سے معاشرے کے مختلف مسائل کو حل کرنے میں مدد مل سکے۔

وائس چانسلر کا مزید کہنا تھا کہ ہمیں بین الشعبہ جات تحقیق گروپ تشکیل دینے چاہئیں تاکہ اسکالرز ایک دوسرے کی مہارتوں سے فائدہ حاصل کر سکیں۔ انہوں نے ڈیپارٹمنٹ کی سطع پہ اینٹی نارکوٹک سوسائٹی اور ڈسپلنری کمیٹی بنانے کی بھی ہدایت جاری کی۔

 سربراہان نے وائس چانسلر کو اپنے اپنے شعبہ جات کی خدمات اور مسائل کے بارے میں آگاہ کیا۔ پروفیسر ساجد رشید نے تحقیق کےلیے فنڈز کی دستیابی، نئے اساتذہ کی تعیناتی اور دیگر تعلیمی سہولیات کی کمی سے مسائل کے فوری حل کے عزم کا اعادہ کیا۔