کوئٹہ ،24 جولائی ( اے پی پی ): کوئٹہ کسٹمز کی اینٹی اسمگلنگ کارروائیاں 24کروڑ روپے سے زائد مالیت کاغیر ملکی سامان برآمد جبکہ5 قیمتی نان کسٹمز پیڈزبھی اپنے قبضے میں لے لیں۔
ترجمان کسٹم ڈاکٹر عطاءاللہ بڑیچ کے مطابق کوئٹہ کسٹمزکی بھرپور اینٹی اسمگلنگ کارروائیاں جاری ہیں ،کارروائیاں کولپور انفورسمنٹ یونٹ سینئر انسپکٹر تنویر اوران کی ٹیم نے کیں جس میں 15 لاکھ انڈین ساختہ مختلف کوالٹی کا ممنوعہ گٹکا جس کی مالیت 9 کروڑ روپے بنتی ہے برآمد کرلیا۔
بلوچستان کی مین شاہراہ لکپاس فیلڈ انفورسمنٹ یونٹ کے انچارج سینئر پریونٹیو آفیسر فرید رند کی متحرک ٹیم نے 9 کروڑ روپے مالیت کے غیر ملکی سامان جن میں کپڑا ٹائر، خوردنی تیل، نان کسٹم پیڈ گاڑیاں کے علاوہ چینی اور یوریا کھاد شامل ہیں کی اسمگلنگ ناکام بنا دی۔
اسی طرح بلوچستان کے علاقے نوشکی کے حساس کسٹم چیک پوسٹ کا عملہ جو انسپکٹر نذیر کرد، انسپکٹر ایاز خان پر مشتمل ہے نے ہزاروں پارسلز چینی اور کھاد برآمد کرلی۔
کوئٹہ کسٹمز نے زیارت کراس پر انسپکٹر آصف کریم سندھو اورانکی ٹیم نے 5 قیمتی نان کسٹمز پیڈ گاڑیاں بھی اپنے قبضے میں لے لیں،کارروائیاں کلیکٹر انفورسمنٹ کوئٹہ عرفان اللہ خان کی ہدایات پرایڈیشنل کلیکٹر عمر شفیق ، ڈپٹی کلیکٹر اسد علیم اور اسسٹنٹ کلیکٹر حسیب احمد کی زیر نگرانی سرانجام دی جارہی ہیں۔
کارروائیوں میں انسپکٹر ہارون، انسپکٹر رمیز الحسن، انسپکٹر خرم وکٹر،انسپکٹر ارسلان بازئی، انسپکٹر کنور احسان خان بھی شامل تھے، ترجمان پاکستان کسٹمز بلوچستان ڈاکٹر عطا ءبڑیچ نے کہا کہ کلیکٹر کسٹمز انفورسمنٹ کوئٹہ عرفان اللہ خان اور دیگر افسران تمام اسٹیشنوں کو یکساں طور پر مانیٹر کر رہے ہیں،اسمگلنگ کی روک تھام کے لئے دیگر فیلڈ انفورسمنٹ یونٹس بھی یکساں طور پر متحرک ہیں۔
انہوں نے کہا کہ ممبر کسٹم آپریشن زیبا حئی اظہر اور چیف کلیکٹر بلوچستان محمد سلیم کی سخت ترین ہدایات کی روشنی میں اسمگلروں سے کوئی رعایت نہیں برتی جا رہی ہے۔ترجمان کے مطابق کسٹمزکے کولپورنوشکی لکپاس زیارت کراس سمیت دیگر فیلڈ انفورسمنٹ یونٹس نے ریکارڈ کسیز کئے۔
