ملتان، 14 اگست (اے پی پی): ڈسٹرکٹ ایمرجنسی آفیسر ڈاکٹر کلیم اللہ نے 76 واں یوم آزادی پر اشعار کے ذریعے اپنے پیارے وطن سے والہانہ محبت کا اظہار ان اشعار میں پیش کیا ۔۔
خدا کرے میری ارض پاک پر اترے
وہ فصلِ گل جسے اندیشہء زوال نہ ہو
یہاں جو پھول کھلے وہ کِھلا رہے برسوں
یہاں خزاں کو گزرنے کی بھی مجال نہ ہو
یہاں جو سبزہ اُگے وہ ہمیشہ سبز رہے
اور ایسا سبز کہ جس کی کوئی مثال نہ ہو
گھنی گھٹائیں یہاں ایسی بارشیں برسائیں
کہ پتھروں کو بھی روئیدگی محال نہ ہو
خدا کرے نہ کبھی خم سرِ وقارِ وطن
اور اس کے حسن کو تشویش ماہ و سال نہ ہو
ہر ایک فرد ہو تہذیب و فن کا اوجِ کمال
کوئی ملول نہ ہو کوئی خستہ حال نہ ہو
خدا کرے کہ میرے اک بھی ہم وطن کے لیے
حیات جرم نہ ہو زندگی وبال نہ ہو
ڈسٹرکٹ ایمرجنسی آفیسر ڈاکٹر کلیم اللہ نے 76 واں یوم آزادی کے حوالے سے کہا کہ میری طرف سے، میری پوری ملتان کی ریسکیو ٹیم کی طرف سے تمام پاکستانیوں بہن بھائیوں کو جشن آزادی کی بہت بہت مبارک ہو۔
