کوئٹہ،30 اگست ( اے پی پی):نگراں وزیر داخلہ بلوچستان کپیٹن ریٹائرڈمیر زبیر جمالی نے کہا ہے کہ پی ڈی ایم اے صوبے بھر میں قدرتی حادثات اور ایمرجنسی کے دوران بروقت معلومات اورخدمات فراہم کررہا ہے جوکہ قابل تعریف ہے۔
ان خیالات کا اظہارانہوں نے محکمہ پی ڈی ایم اے کے دورے کے موقع پر کیا۔ڈی جی پی ڈی ایم اے جہانزیب خان و دیگر سینئر افسران نے ان کااستقبال کیا۔اس موقع پر ڈی جی پی ڈی ایم اے نے رول اور کارکردگی کے حوالے سے تفصیلی بریفنگ دی۔
نگران صوبائی وزیر میر زبیر جمالی نے پراونشل ڈیزاسٹر منیجنمنٹ اتھارٹی کی کارکردگی کو سراہا ۔انھوں نے کہا کہ پی ڈی ایم اے اور متعلقہ اداروں نے سیلاب آنے سے پہلے نہ صرف عوام کو مطلع کرتے ہیں بلکہ محفوظ مقامات پر منتقل بھی کرتے ہیں اسکے علاوہ متاثرہ افراد کی مالی معاونت بھی کی جاتی ہے۔
انہوں نے متاثرین کی واپسی کے حوالے سے تمام تر ممکنہ سہولیات مہیا کرنے کی ہدایت کی اور کہا کہ موجودہ حالات کے مطابق سسٹم کو مزید فعل کیا جائے تاکہ عوام کو بروقت سہولیات مہیا کیے جائیں۔
