پنڈی بھٹیاں،03 اکتوبر (اے پی پی):غربت اور فاقہ کشی سے تنگ غریب شہری نے پکار 15 پر کال کردی جس پر ایس ایچ او سٹی علی حسنین گجر فوری راشن لیکر شہری کے گھر پہنچ گئے، شہری نے 15 پر کال کرکہ بتایاکہ میرے گھر میں راشن نہیں ہے اور میرے بچے بھوکے ہیں۔ایس ایچ او نے عمر نامی شہر ی کے گھر جاکر خود راشن دیا اور بچوں کے اخراجات اور سکول فیس کی مکمل یقین دہانی کرائی۔
ایس ایچ او سٹی علی حسنین نے شہری کے بچوں سے پیار کیا اور تحائف بھی دیئے۔ایس ایچ او نے شہریوں کو پیغام دیتے ہوئے کہا کہ غربت کی وجہ سے کوئی فرد خودکشی نا کرے وہ پولیس کو کال کرے ہم مکمل مدد کریں گے۔
