اسلام آباد ،جون 5 (اے پی پی): فیفا ورلڈ کپ 2026 کوالیفائرز راؤنڈ 2 کے سلسلے میں سعودی عرب کی فٹبال ٹیم آج پاکستان پہنچ گئی۔
سعودی عرب فٹبال ٹیم چارٹر فلائٹ سے ریاض سے اسلام آباد پہنچی،پاکستان میں سعودی عرب کے سفیر نواف بن سعید المالکی نے ٹیم کا استقبال کیا۔
سیکرٹری بین الصوبائی رابطہ ظہور احمد، ڈی جی پی ایس بی شاہد اسلام، چیرمین پرائم منسٹر یوتھ پروگرام رانا مشہود اور پی ایف ایف آفیشلز بھی موجود تھے۔سعودی عرب فٹبال ٹیم پہلی بار پاکستان کا دورہ کر رہی ہے جن کو سخت سکیورٹی میں ایئرپورٹ سے ہوٹل پہنچایا گیا۔ پاکستان اور سعودی عرب کا ہوم مقابلہ 6 جون کو شیڈول ہے میچ جناح فٹبال اسٹیڈیم اسلام آباد میں کھیلا جائے گا۔
