نارووال،23 جولائی (اے پی پی): ڈپٹی کمشنرسیدحسن رضا کی زیرصدارت ڈسٹرکٹ پرائس کنٹرول مجسٹریٹس کااجلاس۔اجلاس میں ڈپٹی کمشنرنارووال نے پرائس مجسٹریٹس کو دیگراشیاء کے ساتھ ساتھ بالخصوص آٹے اوردودھ کی قیمتوں پرکڑی نظررکھنے کی ہدایت کی۔
ڈی او انڈسٹریزذیشان نیازنےڈپٹی کمشنرنارووال کوپرائس مجسٹریٹس کی طرف سے دیگراشیائے ضروریہ کے ساتھ ساتھ روٹی اور نان کی قیمتوں کے حوالے سے کی جانےوالی کاروائیوں کے بارے آگاہ کیا۔اجلاس میں اسسٹنٹ کمشنرزکے علاوہ سسٹم نیٹ ورک آفیسرعلی شیرسمیت تمام پرائس مجسٹریٹس نے اجلاس میں شرکت کی۔
ڈپٹی کمشنرنارووال نےکہاکہ پرائس مجسٹریٹس کےاجلاس کامقصد عوام کو زیادہ سے زیادہ ریلیف فراہم کرناہے۔ڈی اوانڈسٹریزنےڈی سی نارووال کوبتایاکہ پرائس کنٹرول مجسٹریٹس کی طرف سےضلع بھرمیں یکم جولائی سے22جولائی تک گراں فروشی کے خاتمہ کے لئےدکانوں، ریڑھیوں اور دیگر کاروباری مراکز میں جاکر اشیائے خورد و نوش کے نرخ اور اشیائے ضروریہ کے معیار کی چیکنگ کے لیے24ہزار218انسپیکنشنزکی گئی جن میں 850دوکاندارخلاف ورزی کے مرتکب پائے گے،جنہیں مجموعی طورپر31لاکھ44ہزار500روپے جرمانہ کیا گیا،خلاف ورزی پ9مقدمہ درج کرکے15 افرادگرفتارکوپابندسلاسل کیاگیا۔
ڈپٹی کمشنر نےپرائس کنٹرول مجسٹریٹس کوہدایت کی کہ وہ صارفین کو ریلیف فراہم کرنے کے لیے دکانوں اورکاروباری مراکز میں جاکر باقاعدگی سے انسپیکشن کریں اور مقرر کیے گئے نرخ کے مطابق اشیاء ضروریہ کی فروخت کو یقینی بنایا جائے۔
