کراچی، 24 جولائی(اے پی پی): وفاقی وزیر برائے بورڈ آف انویسٹمنٹ قیصر احمد شیخ نے فیڈریشن آف پاکستان چیمبرز آف کامرس اینڈ انڈسٹری (FPCCI) کے زیر اہتمام منعقدہ پاکستان-ASEAN انٹریکٹو سیشن سے خطاب کرتے ہوئے کہا کہ پاکستان اور ASEAN کے درمیان تعاون کے وسیع امکانات موجود ہیں جنہیں مزید فروغ دیا جانا چاہیے۔
انہوں نے کہا کہ پاکستان مختلف شعبوں میں باہمی اشتراک کے لیے پرعزم ہے، جن میں تجارت، سرمایہ کاری، تکنیکی مہارت، نوجوانوں کی شمولیت اور ثقافتی تبادلے شامل ہیں۔ ایسے اقدامات سے علاقائی ترقی اور خوشحالی کے نئے دروازے کھل سکتے ہیں۔
قیصر احمد شیخ نے کہا کہ پاکستان کی جغرافیائی اہمیت اور استعداد اسے خطے میں ایک مؤثر شراکت دار بناتی ہے، اور اس طرح کے سیشنز مختلف فریقین کو قریب لانے میں مددگار ہوتے ہیں۔
انہوں نے اس موقع پر FPCCI کی جانب سے اس اہم سیشن کے انعقاد کو سراہا اور کہا کہ ایسے پلیٹ فارمز علاقائی تعاون کو فروغ دینے میں اہم کردار ادا کرتے ہیں۔
