سیالکوٹ , 6 دسمبر (اے پی پی):وفاقی وزیرِ دفاع خواجہ محمد آصف نے کہا ہے کہ پاکستان تحریکِ انصاف کی قیادت اور بیرونِ ملک موجود اس کے بعض عناصر ایسی نامناسب زبان استعمال کر رہے ہیں جو ملکی اداروں، خصوصاً افواجِ پاکستان اور شہدا کی عظیم قربانیوں کو نظرانداز کرتی ہے۔ سیالکوٹ میں میڈیا سے گفتگو کرتے ہوئے ان کا کہنا تھا کہ عام انتخابات کے بعد پی ٹی آئی رہنماؤں کا رویہ سیاسی تہذیب کے بنیادی اصولوں کے خلاف ہے۔
انہوں نے کہا کہ پارٹی کے کئی عہدیدار سوشل میڈیا پر انتہائی غیر شائستہ اور افسوس کی بات یہ ہے کہ چاہے یہ قیادت جیل میں ہو، ایوان میں ہو یا باہر، سب کا لہجہ ایک جیسا اور غیر ذمہ دارانہ ہے۔ خواجہ آصف کے مطابق، بیرونِ ملک بیٹھے پی ٹی آئی کے کچھ سرگرم افراد بھی بے احتیاط اور اشتعال انگیز زبان استعمال کرتے ہیں، حالانکہ وہ اکثر دعویٰ کرتے ہیں کہ وہ پارٹی کی نمائندگی نہیں کر رہے۔
