اسلام آباد،19جنوری (اے پی پی): پی ڈی ایم کا الیکشن کمیشن کے باہر احتجاج ، وزیر داخلہ شیخ رشید نے وزارت داخلہ میں قائم کنٹرول روم سے صورتحال خود مانیٹر کرنے کا فیصلہ کیا ہے ۔ شیخ رشید نے سیکرٹری داخلہ یوسف نسیم کھوکھر کے ہمراہ کنٹرول روم کا دورہ کیا ۔ کنٹرول روم میں سہولیات کا جائزہ لیا اور کنٹرول روم سے اسلام آباد کو مانیٹر کیا جائے گا ۔
اس موقع پر شیخ رشید احمد نے کہا کہ شہر میں امن وامان بحال رکھنے کے لیے ہر چیز پر نظر رکھی جائے گی ۔ کیمروں سے اسلام آباد کے داخلی راستوں کی سخت نگرانی کی جائے گی ۔انہوں نے کہا کہ پرامن احتجاج کی اجازت ہے ۔ شاہراہ دستور پر پہلی دفعہ اجازت دی گئی ہے۔ امید ہے پی ڈی ایم الیکشن کمشن کے باہر احتجاج کو پر امن رکھے گی ۔
