قصور،4ستمبر(اے پی پی): پولیس اور ضلعی انتظامیہ دریائے ستلج میں سیلابی صورتحال کے با عث دن رات متحرک ہے،دریائے ستلج میں 3 لاکھ 35 ہزار کیوسک پانی کا ریلا موجود ہے ۔
پولیس ترجمان قصورنے اے پی پی نیوزکوبتایا کہ ڈی پی او قصور محمد عیسیٰ خاں اور ڈپٹی کمشنرقصور عمران علی سرحدی گاؤں چندا سنگھ والا پہنچ کر متاثرہ دیہات میں لوگوں سے ملاقات کی اور انہیں انخلا کیلئے قائل کیا۔
اس موقع پر ڈی پی اوقصورمحمدعیسیٰ خاں اور ڈپٹی کمشنرقصور عمران علی نے پولیس ریلیف کیمپ تلوار چیک پوسٹ پر سیلابی صورتحال کے متعلق بریفنگ دی۔بعدازاں ڈی پی او قصور اور ڈپٹی کمشنرقصور نے سیلاب متاثرین کی امداد اور راشن کی تقسیم کا جائزہ بھی لیا۔
اس موقع پر پولیس افسران، پاک آرمی کے افسران و ریسکیو1122کے افسران بھی موجودتھے۔
