عارف والا ، 11 دسمبر (اے پی پی ): شہر اور گردونواح میں شدید دھند کا سلسلہ جاری ، حد نگاہ 100 میٹر سے کم رہ گئی ہے جس کے باعث احمدیار، محمدنگر،رنگشاہ ،قبولہ ، بیلی دلاور اور جامعہ اسلامیہ سمیت مضافات لپیٹ میں آگئے ہیں۔
شدید دھند کا سلسلہ جاری رہنے سے سردی کی شدت میں مزید اضافہ ہو گیا جس کی وجہ سے دوسرے شہروں کو جانے والے مسافروں کو اضافی مشکلات کا سامنا کرنا پڑ رہا ہے۔ ٹریفک پولیس کے مطابق عوام شدید دھند میں غیر ضروری سفر سے اجتناب کریں، گاڑیوں میں دوران سفر ڈرائیور فوگ لائیٹس کا استعمال یقینی بنائیں تاکہ حادثات سے بچا جاسکے۔
