اٹک، 21 جون ( اے پی پی ): نیشنل ہائی ویز اینڈ موٹرویز پولیس کامرہ بیٹ تھری کی جانب سے نو وائلیشن رجیم regime No violationمہم کا آغاز کردیا گیا ۔آئی جی نیشنل ہای ویز اینڈ موٹرویز پولیس کی احکامات کی روشنی میں ڈی ائی جی نارتھ اشفاق احمد،سیکٹر کمانڈر نارتھ ون نزاکت علی بنگش اور ڈی ایس پی یونس خان نیازی کی زیر نگرانی بیٹ 3 کامرہ نے اقبال شہید ٹول پلازہ ، ہرو ٹول پلازہ اور جتیال موڑکامرہ میں قانون کی خلاف ورزی کرنے والی گاڑیوں ، رکشہ اور موٹر سایکل بغیر ہیلمٹ کے خلاف سخت کاروائی عمل میں لائی گئی۔ مہم کو موثر بنانے کیلئے جدید ٹیکنالوجی کا استعمال کیا جارہا ہے۔اس سلسلہ میں ناصرف باڈی وارن کیمرہ کا استعمال کیا جارہاہے بلکہ ڈراون کیمرے کے ذریعے ٹریفک قوانین پر عمل دار ی ، حادثات کی روک تھام، جرائم پیشہ عناصر سے نمٹنے کیلئے استعمال کیا جارہا ہے موٹر وے پولیس بیٹ 3 کامرہ کا عملہ مستعد ہے۔ڈی آئی جی نارتھ اشفاق احمد خود ہرو ٹول پلازہ پہنچ گئے اور مختلف ٹریفک قوانین کی خلاف ورزی کرنے والی گاڑیوں اور موٹر سائیکلز کے خلاف قانونی کاروائی کے احکامات جاری کئے۔ اس موقع پر انسپکٹر سردار فاروق، انسپکٹر نوید عارف کاظمی ، سب انسپکٹرفردوس اعوان اور دیگر پولیس افسران بھی موجود تھے ، مہم کے دوران عفلت ،لاپرواہی اور تیز رفتاری پر بس ڈرائیور کیخلاف مقدمہ درج کیا گیا۔ اقبال شہید پلازہ اٹک خورد کے مقام پر سیکٹر کمانڈر نارتھ ون نزاکت علی بنگش نے ڈسٹرکٹ رپورٹر اے پی پی نثار علی خان سے گفتگو میں کہا کہ موٹروے پولیس عوام الناس کی خدمت کیلئے ہمہ وقت کوشاں ہے۔موٹروے پولیس کو جدید ٹیکنالوجی سے لیس کیا گیا ہے۔ ہیلمٹ اور لین وائلیشن کرنے والے گاڑیوں کیخلاف سخت کاورائی عمل لائی جارہی ہے۔ایس پی سیکٹر کمانڈر نزاکت علی بنگش نے اپنی مستعد ٹیم کے ہمراہ بغیر ہیلمٹ کے موٹرسائیکل سواروں اور مختلف ٹریفک قوانین کی خلاف ورزی کرنے والی گاڑیوں کے خلاف سخت کاروائی کی اور درجنوں موٹر سا ئیکلوں کو بند کیا۔
