اسلام آباد،22 جنوری(اے پی پی):آئندہ چندروز کے دوران اسلام آباد، پنجاب ، خیبر پختونخوا کے میدانی علاقوں اور بالائی سندھ میں شدید دھندکی لپیٹ میں رہیں گے ۔محکمہ موسمیات نے شہریوں کو محتاط رہنے کی ہدایت کی ہے۔شدید دھند کے باعث پنجاب کے بیشتر علاقوں میں دن کے درجہ حرارت معمول سے کم رہیں گے۔
پیر کے روز ملک کے بیشترعلاقوں میں موسم شدید سرد رہے گا۔
گزشتہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ شمالی علاقوں میں شدید سرد رہا۔ تاہم کراچی میں بعض مقا مات پر بارش ہوئی۔ اسلام آباد، خطہ پوٹھوہار ،پنجاب ، بالائی سندھ اورخیبر پختونخوا کے میدانی علاقے شدید دھند /سمو گ کی لپیٹ میں رہے۔
آج ریکارڈ کیے گئے کم سے کم درجہ حرارت کے مطابق لہہ مں منفی 12 ، اسکردومنفی11، کالام منفی 07،گلگت، استور منفی 06 ،گوپس ، سری نگرمنفی 05،قلات منفی 04،چترال، ہنزہ، راوالاکوٹ، کوئٹہ اورمیرکھانی میں منفی 03 ڈگری سینٹی گریڈ ریکارڈ کیا گیا۔
