اسلام آباد ، 22 جنوری ( اے پی پی ): حکومتی پالیسیوں کی بدولت پچھلے ماہ دسمبر 2023 میں آئی ٹی ایکسپورٹ میں ریکارڈ اضافہ ہوا۔نومبر میں 13 فیصد اضافے کے بعد دسمبر میں آئی ٹی ایکسپورٹ 22.67 فیصد اضافے سے 303 ملین ڈالرز رہیں۔ اسکے علاوہ 50 فیصد ڈالر رکھنے کی سہولت، ڈیجیٹل پیمنٹ سسٹم، فری لانسرز کیلئے سہولیات بھی وہ بنیادی عوامل ہیں جو برآمدات میں اضافے کا باعث بنے۔
اس حوالے سے وفاقی وزیر برائے انفارمیشن ٹیکنالوجی ڈاکٹر عمرسیف نے کہا کہ آئی ٹی انڈسٹری کیلئے سہولیات پر وزیر اعظم، خصوصی سرمایہ کاری سہولت کونسل کے شکر گزار ہیں۔انہوں نے کہا کہ ہماری پالیسیوں کا مقصد آئی ٹی و ٹیلی کام سیکٹر کا فروغ اور ملکی معیشت کو استحکام دینا ہے۔
وفاقی وزیر نے کہا کہ آئی ٹی ایکسپورٹ میں ریکارڈ اضافہ صرف آغاز ہے، جلد بڑے نتائج آئیں گے، 10 ارب ڈالرز کا ہدف بھی پورا ہوگا۔
ان اصلاحات سے آنے والی حکومت کیلئے آئی ٹی انڈسٹری کے فروغ کا راستہ بنادیا ہے۔
