اسلام آباد،19فروری(اے پی پی):محکمہ موسمیات نے آج اورکل (19 اور 20 فروری) کو مری، گلیات، ناران، کاغان، دیر، سوات، شانگلہ، مانسہرہ، ایبٹ آباد، کوہستان، استور، ہنزہ، دیامیر،اسکردو، وادی نیلم، باغ، پونچھ اور حویلیاں میں تیز بارش اوربرفباری کا امکان ظاہر کیا ہے ، جس کے باعث سڑکیں بند اور گاڑیوں کی آمد ورفت میں خلل کا امکان ہے، اس دوران بالائی خیبر پختونخوا، مری، گلیات، کشمیر اور گلگت بلتستان میں لینڈسلائیڈنگ کا بھی خدشہ ہے۔
آئندہ چوبیس گھنٹوں کے دوران کشمیر ، گلگت بلتستان، بالائی خیبر پختونخوا، خطہ پوٹھوہار، اسلام آباد، بالائی پنجاب اورشمالی بلوچستان میں تیز ہواؤں اور گرج چمک کے ساتھ مزید بارش اور پہاڑوں پربرفباری کا امکان ہے جبکہ کشمیر ، گلگت بلتستان، بالائی خیبر پختونخوا، مری ، گلیات اورخطہ پوٹھوہار میں تیز موسلادھار بارش اور پہاڑوں پربرفباری کا امکان ہے، اس دوران چند مقا مات پر ژالہ باری کی بھی توقع ہے۔
منگل کے روز بھی کشمیر ، گلگت بلتستان،بالائی خیبر پختونخوا، خطہ پوٹھوہار، اسلام آباد، شمال مشرقی پنجاب اورشمالی بلوچستان میں تیز ہواؤں اور گرج چمک کے ساتھ مزیدبارش اور پہاڑوں پربرفباری کا امکان ہے اس دوران چند مقامات پر ژالہ باری کی بھی توقع ہے۔
گذشتہ 24 گھنٹوں کے دوران خیبرپختونخوا ،کشمیر،اسلام آباد،بالائی /وسطی پنجاب ، شمالی بلوچستان اورگلگت بلتستان میں تیز ہواؤں اور گرج چمک کے ساتھ بارش اور پہاڑوں پر برفباری ہوئی۔ ملک کے دیگر علاقوں میں موسم سرد اور خشک رہا۔ سب سے زیادہ بارش خیبرپختونخوامیں سیدو شریف، پٹن 55، کالام 52، دیر (بالائی 49 ، زیریں 08)، باچا خان (ایئر پورٹ) 46، بالاکوٹ ، مالم جبہ 44، پشاور (سٹی 43 ، ایئر پورٹ 40)، مردان 41، میرکھانی 40، چراٹ 32، دروش 30، پاراچنار 25، چترال 21، کاکول 17، بنوں 14 ملی لیٹر ہوئی۔
کشمیر میں راولاکوٹ 45، مظفرآباد(ایئر پورٹ37 ، سٹی 32)، گڑھی دوپٹہ 29، کوٹلی 20۔پنجاب میں مری 30، راولپنڈی (چکلالہ 13، شمس آباد 07 ،کچہری 06)، چکوال 12، منگلا 10، جہلم 09، اٹک 08، اسلام آباد (زیرو پوائنٹ07، ایئر پورٹ، سید پور 05، گولڑہ ،بوکرہ 04)، سیالکوٹ (سٹی، ایئر پورٹ 05)، منڈی بہاؤالدین 05، گجرات 04، گوجرانوالہ 03، حافظ آباد 02، فیصل آباد، جوہر آباد ، شیخوپورہ 01، بلوچستان: ژوب 06۔گلگت بلتستان میں چلاس 02، بگروٹ اور بونجی میں 01 ملی میٹر بارش ریکارڈ ہوئی۔
کالام میں 24، مالم جبہ 18،دروش 02، چترال، دیر(بالائی) 0.8 اور زیارت میں 0.5 انچ برفباری ریکارڈ ہوئی۔
آج ریکارڈ کیے گئے کم سے کم درجہ حرارت کے مطابق کالام میں منفی 05 ،مالم جبہ منفی04اور گوپس میں منفی 03 ڈگری سینٹی گریڈ ریکارڈ کیا گیا۔
