ملتان، 10 اپریل (اے پی پی ):عید الفطر مذہبی جوش و جذبے اور عقیدت واحترام کےساتھ منائی جا رہی ہے شجاع آباد کی قدیمی عید گاہ شا ہی عید گاہ اور جامع مدنی مسجد میں نماز عید کے بڑے اجتماع سے خطاب کرتے ہوئے قاضی قمر الصالحین نے کہا کہ آج ہمیں اللہ نے خاص تحفہ عید کی صورت میں دیا ہے جس میں ہمیں اپنے پیاروں کو یاد رکھنا چاہیے خصوصاً جو اس فانی دنیا سے رخصت فرما گئے ہیں اور جو آزادی سے محروم ہیں ان کے لیے بھی دعائیں کرائی اور بیماروں کے لیے بھی خاص دعاؤں کا اہتمام کیا جائے انہوں نے کہا کہ پوری دنیا میں عید الفطر مذہبی، جوش و جذبے اور عقیدت واحترام کےساتھ منائی جا رہی ہے، یہ ایک اللہ کی خاص رحمت ہے شجاع آباد، جلالپورپیروالا گرد و نواح اور ملتان اور دیگر علاقوں کے عیدگاہوں اور بڑی جامع مدنی مسجد میں عید الفطر کی نماز مولانا زبیر احمد صدیقی کے فرزند نے پڑھاتے ہوئے پوری دنیا کے مسلمانوں کے لیے دعائیں کرائیں اور کہا کہ اللہ تعالیٰ جلد از جلد کشمیر کے مسلمانوں کو اور فلسطین کے مسلمانوں کو آزادی نصیب فرمائے اور افغانستان کے مسلمانوں کو درپیش مسائل جلد از جلد حل فرمائے اس موقع پر ملک کے سالمیت استحکام و خوشحالی اور ترقی کے لئے خصوصی دعائیں بھی کی گئیں بڑی تعداد میں لوگوں نے نماز عید کے بعد مسلمانوں نے اپنے پیاروں کو جو اس فانی دنیا سے رخصت فرما گئے ہیں ان کی قبروں پر پھول اور ان کی دعا مغفرت کرتے ہوئے نظر آئے عید کی نماز کے بعد بچے جھولا لیتے اور کھیلتے کودتے نظر آئے جو کہ سہی معنی میں بچوں کی تفریح میسر کرتی ہے۔
