لاہور،26جون (اے پی پی): وزیراعلیٰ پنجاب مریم نوازشریف حاجی پارک راج گڑھ پہنچ گئیں۔ وزیراعلیٰ مریم نوازشریف نے یونین کونسل 53میں لاہور ڈویلپمنٹ ماڈل کے پائلٹ پراجیکٹ کاجائزہ لیا ۔لاہور ڈویلپمنٹ ماڈل کے تحت کنکریٹ، قوبل سٹون، ٹف ٹائل اور کلرڈ فلور بنائے گئے ۔
وزیراعلیٰ مریم نوازشریف نے ماڈل گلیوں کا معائنہ کیا اور معیار کا جائزہ لیا یوسی 53کی ماڈل سٹریٹ میں سٹریٹ لائٹس، گھرو ں کی نمبرنگ اورنام پلیٹ لگائی گئیں۔ ماڈل سٹریٹ میں زیر زمین سیوریج کا نظام بھی ری ویمپ کیاگیا، ماڈل سٹریٹ کے مین ہول پرچوری سے بچانے کے لئے خصوصی طورپر پلاسٹک کے بنائے گئے ڈھکن لگائے گئے ۔
ڈپٹی کمشنر لاہور رافعہ حیدر نے لاہور ڈویلپمنٹ پائلٹ پراجیکٹ کے بارے میں بریفنگ دی۔ وزیراعلیٰ مریم نوازشریف نے اس موقع پر گفتگو کرتے ہوئے کہا کہ بارش کے بعد نئی بننے والی ماڈل سٹریٹ میں دیر تک پانی نہیں کھڑا ہونا چاہیے۔ مختلف ٹاؤنز کے لئے الگ کلر کی ٹائل لگانے کی تجویز پر اتفاق وزیراعلیٰ مریم نوازشریف حفاظتی ٹینٹ کھلوا کر لوگوں کے گھروں کی طرف آ گئیں ۔
وزیراعلیٰ مریم نوازشریف نے چھتوں پر کھڑے بچوں کو دیکھ کر ہاتھ ہلایا اور ان کے نعروں کاجواب دیا ۔ وزیراعلیٰ مریم نوازشریف نے مختلف گھروں میں باری باری جا کر خواتین خانہ سے بات چیت کی اور ان کی صحت کے بارے میں دریافت کیا ۔ بعض بزرگ خواتین نے وزیراعلیٰ کو اپنے مسائل سے آگاہ کیا، وزیراعلیٰ مریم نوازشریف نےمسائل کے حل کی یقین دہانی کروائی بچوں نے وزیراعلیٰ مریم نوازشریف پر پھول نچھاور کئے ۔
ایک خاتون نے اپنے شوہر کی ہارٹ کی گھر ملنے والی میڈیسن کا پیک دکھایا اور دعائیں دیتے ہوئے شکریہ ادا کیا ۔ وزیراعلیٰ مریم نوازشریف نے خواتین، بچوں اور کارکنوں کے ساتھ تصویریں اور سیلفیاں بنوائیں بزرگ خاتون نے وزیراعلیٰ مریم نوازشریف کو خوبصورت گلدستہ بھی پیش کیا اور کہا کہ آپ بہت محنت کررہی ہیں،آپ کو دیکھنے کے لئے دیر سے منتظر کھڑے ہیں۔
سینئر صوبائی وزیر مریم اورنگزیب، صوبائی وزیر بلدیات ذیشان رفیق، ممبر صوبائی اسمبلی میاں مرغوب احمد، چیف سیکرٹری،سیکرٹری بلدیات، پرنسپل سیکرٹری ساجد ظفر ڈال، کمشنر لاہور دیگر افسران او ر اچانک جمع ہونے والے کارکنوں کی بہت بڑی تعداد موجود تھیں۔
