رحیم یار خان، 08 اپریل (اے پی پی): چک نمر 13 بستی لنگر خان جماالدین والی روڈ کنویں کی کھود ائی کے دوران مٹی کا تودا گرنے سے دو افراد دب کر جانبحق ہو گئے ہیں جبکہ ریسکیو 1122 کی امدادی ٹیمیں نے مسلسل 25گھنٹے ریسکیو آپریشن کے بعد دب جانے والے افراد کی نعشیں نکال کر ورثا کے حوالہ کر دیں۔
تفصیلات کے مطابق تیس سال پرانے ،دس سال سے بند کنوایں سے ٹیوب ویل کا پنکھا اوراینٹیں نکالنے کے لیے دو کسان نیچے اترے تھے، کنویں کی کھود ائی کے دوران مٹی کا تودا گرنے سے کنواں دب گیا جس کی زد میں آکر چچا بھتیجا 48 سالہ ریاض ولد فیض محمد اور پہلوان ولد محمد ایوب عمر 16 سال جانبحق ہو گئے ۔
ریسکیو 1122 کی امدادی ٹیمیوں نے 4 ٹریکٹرز، دو ایکسی ویٹر، ایک ہیوی کرین، ریسکیو 1122 کی ایمرجنسی وہیکلز اور مقامی لوگوں کی مددسے مسلسل 25گھنٹے ریسکیو آپریشن کیا اور دب جانے والے دونوں افراد کی نعشیں نکال کر ورثا کے حوالہ کیں ۔
اے پی پی /رحیم یار خان/حامد