ملتان ،06 مارچ (اے پی پی):پہلا رومانزہ اوپن گالف ٹورنامنٹ، احمد بیگ نے پروفیشنل کیٹگری میں میدان مار لیا ہے۔
ڈی ایچ اے ملتان میں آرڈینٹ گولفر سر نک فالڈو کے ڈیزائن کردہ گالف گراونڈ میں 27 فروری سے 5 مارچ 2023 تک انتہائی دلکش پہلا رومانزہ اوپن گالف ٹورنامنٹ کھیلا گیا، پاکستان گالف کی تاریخ میں سب سے بڑی انعامی رقم جیتنے کے لیے احمد بیگ،محمد منہاج وڑائچ، محمد شہزاد، محمد منیر، محمد نعیم اور شاہد جاوید خان سمیت 330 پروفیشنل اور امیچور گالفرز نے حصہ لیا۔ احمد بیگ پروفیشنل کیٹگری میں اپنی بہترین کارکردگی سے ٹورنامنٹ کے تمام راؤنڈز میں نمایاں رہے،احمد بیگ چار راؤنڈز میں 7 سٹروک کے فرق سے اپنے حریف راولپنڈی گالف کلب کے محمد منہاج مقصود سے کامیابی حاصل کی۔ ایم منہاج وڑائچ نے دوسری ،رائل پام کے حسین حامد تیسرے جبکہ رومانزا گالف اینڈ کنٹری کلب کے سعد حبیب نے چوتھی پوزیشن حاصل کی۔سلمان جہانگیر امیچور کیٹیگری میں سر فہرست رہے۔رومانزا گالف اینڈ کنٹری کلب نے اپنی پہلی سالگرہ پہلے رومانزا اوپن گالف ٹورنامنٹ کے ساتھ منائی۔پہلے رومانزا اوپن گالف ٹورنامنٹ کے اختتام پر جیتنے والوں کو سونے، چاندی اور کانسی کے تمغوں اور 12 ملین روپے کے نقد انعامات سے نوازا گیا۔
