کاشغر، 20 ستمبر ( اے پی پی) : صدر آصف علی زرداری نے کاشغر فری ٹریڈ زون کا دورہ کیا جہاں صدر کا استقبال کاشغر کے کمیونسٹ پارٹی سیکرٹری یاو ننگ نے کیا-صدر کو زون کے قیام اور ترقی کے بارے میں بریفنگ دی گئی اور بتایا گیا کہکاشغر فری ٹریڈ زون ساڑھے تین مربع کلومیٹر پر محیط ہے-صدر کو بریفنگ میں بتایا گیا کہ زون میں ویئر ہاؤسنگ، لاجسٹکس، پراسیسنگ، کسٹمز اور ائیر فریٹ کی سہولیات موجود ہیں، اس کے علاوہ زون کی تجارت دنیا کے 118 ممالک تک پھیلی ہوئی ہے اور زون سے ای وی گاڑیاں، بیٹریاں، سولر سیلز اور ہائی ٹیک مصنوعات برآمد کی جاتی ہیں -صدر کو بتایا گیا کہ زون سڑک، ریل اور فضائی راستوں سے ایشیا اور یورپ سے منسلک ہے جبکہزون کا اپنا انٹرنیشنل ائیرپورٹ بھی ہے-بریفنگ میں بتایا گیا کہ سست پورٹ گلگت بلتستان اور گوادر پورٹ سے جڑا ہوا ہے -صدر نے وسط ایشیائی ممالک، یورپ، جنوبی کوریا اور جاپان کے اسٹالز کا بھی معائنہ کیا جہاں صدر کو ڈیجیٹل ٹریڈ سینٹر اور ای کامرس نمائش گاہ کے بارے میں آگاہ کیا گیا-اس موقع پر صدرِ پاکستان کو کو ازبکستان اور کرغزستان کے تعاون سے بننے والے انڈسٹریل پارکس پر بھی بریفنگ دی گئی-
