پشاور، 11مارچ(اے پی پی): خیبر پختونخوا کے وزیر برائے سماجی بہبود ڈاکٹر ہشام انعام اللہ خان نے کہا ہے کہ محکمہ سماجی بہبود خیبر پختونخوا کا قاٸم کردہ بولو ہیلپ لاٸین خواتین پر گھریلو تشدد سمیت ان پر سماجی، معاشی، نفسیاتی و جنسی دباٶ کے خاتمہ اور ان کی تحفظ یقینی بنانے میں ایک اہم سنگ میل ثابت ہوگا۔ محکمہ سماجی بہبود نے خصوصی افراد کے بھرتیوں کا %2 کوٹہ بڑھا کر %4 کر دیا ہے جبکہ خواتین سپیشل بھرتی کوٹہ %10 سے بڑھا کر %15 کر دیا ہے۔
ان خیالات کا اظہار صوباٸی وزیر ڈاکٹر ہشام انعام اللہ خان نے جمعرات کے روز پشاور کے ایک نجی ہوٹل میں محکمہ سماجی بہبود خیبر پختونخوا کی جانب سے منقعدہ عالمی دن براۓ خواتین 2021 کے عنوان سے منقعدہ تقریب سے اپنے خطاب میں کیا۔
تقریب کے اغاز میں سیکرٹری سوشل ویلفٸیر منظور احمد نے خواتین کے حقوق و تحفظ کیلیۓ محکمانہ سطح پر اٹھاۓ جانے والے اقدامات پر شرکاء کو تفصیلات سے اگاہ کیا جبکہ ڈاٸریکٹر بولو ہیلپ لاٸن میڈم سحر نے سماجی و معاشی مشکلات سے دوچار خواتین کیلیۓ بولو ہیلپ لاٸن کے اعراض و مقاصد سمیت مقصد کے حصول کیلیۓ بنیادی قواعد و ضوابط بنانے سے متعلق کاٶشوں پر روشنی ڈالی۔
تقریب سےخطاب کرتے ہوٸے صوباٸی وزیر براۓ سماجی بہبود ڈاکٹر ہشام انعام اللہ خان نے محکمے اور انتظامی افسران کی کوششوں کو سراہتے ہوٸے کہا کہ خواتین پر سماجی، معاشی، نفسیاتی و جنسی دباٶ و گھریلو تشدد کے روک تھام کا سہرا پاکستان تحریک انصاف کی حکومت کو جاتا ہے۔ موجودہ صوباٸی حکومت نے خواتین پر گھریلو تشدد کی روک تھام کا بل منظور کرلیا ہے جس کی رو سے خواتین پر سماجی، معاشی، نفسیاتی و جنسی دباٶ ڈالنے سمیت ان پر تشدد کرنے والے لوگوں کو پانچ سال تک قید کی سزا ہوگی۔ انہوں نے کہا کہ صوباٸی محکمہ سماجی بہبود نے مذکورہ مساٸل سے پریشان خواتین کیلیۓ بولو ہیلپ لاٸین قاٸم کر دیا ہے۔ صوباٸی وزیر نے مذکورہ متاثرہ خواتین ٹال فری نمبر 22227 0800 پر رابطہ کر سکتیں ہیں۔ انہوں نے مزید کہا کہ محکمہ سماجی بہبود کو بارہ مختلف سیکشنز میں تقسیم کیا جا رہا ہے اور ہر سیکشن کو صوباٸی اسمبلی کے خواتین ممبران کی سرپرستی حاصل ہوگی، جس کا مقصد خواتین کیلیۓ احسن طریقے سے قانون سازی کرنا ہے۔ انہوں نے حکومت پر بھی بھرتیوں سے متعلق دہشت گردی سے متاثرہ خاندان کو بندوبستی علاقوں میں %5 فیصد کوٹہ جبکہ قباٸلی علاقوں میں یہ کوٹہ %10 رکھنے پر زور دیا۔ انہوں نے تقریب میں ملی نغمہ پیش کرنے والی خصوصی بچیوں کو دس دس ہزار روپے انعام دینے کا بھی اعلان کیا۔
تقریب میں ممبران صوباٸی اسمبلی سمیرہ شمس، مدیحہ نثار، حمیرہ خاتون اور فضل الٰہی کے علاوہ سیکرٹری محکمہ سوشل ویلفٸیر منظور احمد، ایڈیشنل سیکرٹری عابداللہ کاکا خیل، ڈاٸریکٹر انٹی کرپشن ذبیح اللہ خان، لیڈی ڈی ایس پی روزیہ الطاف اور ڈاٸریکٹر بولو ہیلپ لاٸن میڈم سحر کے علاوہ مختلف سماجی و سیاسی شخصیات بھی شریک ہوٸیں۔
